माघ २७ गते किसानसंग राजा बिरेन्द्रले गरेको जोक्सले कृषि क्षेत्रमा पारेको ऐतिहासिंक प्रभाव

२०३४ माघ २७—सुदूर पश्चिमको खप्तड लगायतका पहाडी क्षेत्रमा निकै ठूलो हिमपात पर्यो । डोटी सदरमुकाम खलंगालाई मुकाम बनाएर सुदूर पश्चिम भ्रमणमा रहेका युवा राज दम्पत्ती राजा विरेन्द्र र रानी ऐश्वर्यलाई हिउँमा खेल्न मन लागेछ । उनीहरु सामान्य पोशाक लगाएका थोरै सुरक्षाकर्मीसहित हल्ला खल्ला नगरि हेलिकोप्टरबाट खप्तडमा पुगे ।
हेलिकोप्टरबाट मानिसहरु आएर हिउँमा खेल्न थालेको देखिएपछि स्थानीय वासिन्दाहरु जम्मा भै हाले । ‘हेलिकोप्टरबाट हिउँ खेल्न आउनेहरु ठूला मान्छे हुन्’ भन्ने त उनीहरुले अनुमान गर्ने नै भए, तर ती ठूला मान्छेहरु राजा रानी नै हुन् भन्ने उनीहरुले थाहा पाउन सकेनन् । राजा रानीहरु आफ्नो परिचय नदिई मज्जाले स्थानीय संग गफ गर्न थाले ।
स्थानीयले आज राजा रानी खलंगामा आउन लागेकोले उनीहरुलाई हेर्न गाउँका अधिकांश मानिसहरु खलंगा गएको र आफूहरु भने घाँस दाउराको लागि घरमै बसेको बताए ।
राजारानीले अन्तरवार्ताकै शैलीमा उनीहरुसंग कुरा गरे, स्थानीय समस्याहरुको टिपोट गरे । अन्त्यमा राजा बिरेन्द्रले भने—हामी पनि राजा रानीलाई भेटन आएका हौं । तिमीहरु पनि हामीसंग हेलिकोप्टरमै खलंगा हिँड । मौका मिले राजा रानीलाई संगै भेटौला, नमिले तिमीहरुका कुरा उनीहरुलाई सुनाइदिउंला ।
हेलिकोप्टर चढ्न पनि पाइने, राजा रानी भेट्न पनि पाइने भनेपछि ती युवाहरु नजाने कुरै थिएन । उनीहरु राजारानीसंगै हेलिकोप्टरमा खलंगा पुगे ।
राजा रानीलाई स्वागत गर्न लाइन लागेर बसेकाहरु आश्चर्यमा परे, किनकी त्यहाँबाट सबैभन्दा पहिले त डोको नाम्लोसहितका किसान पो उत्रिए । त्यसपछि बल्ल राजा रानी उत्रिए ।
त्यहाँ उत्रिएपछि बल्ल उनीहरुसंगै गएका युवा किसानहरुले आफूहरुसंग हिउँ खेल्दै गफ गर्ने र राजा रानी भेट्न जाउं भनेर हेलिकोप्टरमा ल्याउनेहरु नै पो राजा बिरेन्द्र र रानी ऐश्वर्य रहेछन् भन्ने थाहा पाए ।
अर्थात किसानसंग राजा रानीले जोक गरे, अचेलको भाषामा ‘प्य्राङक’ गरे ।
राजा रानीको त्यो ‘प्य्राङक’को असर यति ठूलो थियो कि ‘खाइकर प्रथा’ खारेज भयो, किसान र कृषि क्षेत्रमा रहेका विवादास्पद ३ दर्जन मुद्धाहरु खारेज गरिए । (थप जानकारीको लागि हेर्नुहोस् सोमबार विहानको कृषि भेट) थप दिइनेछ)
(तस्विर खप्तडमा राजा विरेन्द्रको सन्दर्भ बुझाउन गुगलबाट लिइएको हो, राजा विरेन्द्रको त्यही भ्रमणसंग सवन्धित छैन)