खोटाङको दिक्तेल रूपाकोट मझुवागढी नगरपालिका–१४ बुइपामा निर्मित चिस्यान केन्द्र उपयोगविहीन बनेको छ । स्थानीय र संघीय सरकारको ९२ लाख खर्च गरेर बनाइएको चिस्यान केन्द्र उपयोगविहीन भएको हो । आर्थिक वर्ष २०७८र७९ मा संसद् विकास कोषको ५० लाख र नगरपालिकाको ४२ गरी ९२ लाख रुपैयाँ खर्च गरेर बनाइएको नगर उपप्रमुख विसन राईले बताउनु भयो।
कृषिजन्य वस्तु उत्पादन नभएकाले केन्द्र उपयोगविहीन बनेको नगर उपप्रमुख राईको भनाइ छ । एक पटकमा एकै किसिमका ३० टन कृषिजन्य वस्तु अट्ने चिस्यान केन्द्र बनाइएको र उक्त परिमाणको कृषिजन्य वस्तु उत्पादन नभएकाले सञ्चालनमा आउन नसकेको राईले बताउनु भयो। ‘चिस्यान केन्द्रमा एक पटकमा एउटै प्रकारका ३० टन कृषिजन्य वस्तु आवश्यक पर्छ, त्यत्रो उत्पादन हुँदैन अनि कसरी सञ्चालनमा आउँछ त रु’ राईले भन्नुभयो ।
चिस्यान केन्द्रमा एउटै मात्र चेम्बर भएकाले त्यसलाई अरू चेम्बर थपेर सञ्चालन गर्ने वा कुनै अन्य विधि अपनाउने भन्नेबारे जानकारी लिन प्राविधिकलाई बोलाइएको दिक्तेल रूपाकोट मझुवागढी नगरपालिकाका कृषि शाखा प्रमुख तेजप्रकाश जैसीको भनाइ छ । ‘३० टन अट्ने एउटै मात्र चेम्बर छ, त्यसलाई अरू चेम्बर थपेर सञ्चालन गर्ने वा कुन तरिका अपाएर अन्य कृषिजन्य वस्तु राख्ने भन्नेबारे प्राविधिक बोलाएका छौं, आएपछि टुंगो लाग्छ,’ जैसीले भने । चिस्यान केन्द्र मर्मतका लागि डेढ लाख बजेट विनियोजन गरिएको उहाँले ताउनु भयो।
(डम्बरसिं राईले गोरखापत्रमा लेख्नु भएको समाचार)
