अमेरिकामा आगो नियन्त्रण गर्न प्रयोग भइरहेको पानी, नुन र मलको साहारा
अमेरिकाको लस एन्जलस क्षेत्रमा फैलिएको मा आगो नियन्त्रण गर्ने प्रयासहरु नभएपछि अन्तिम प्रयासकोरुपमा गुलाबी तरल पदार्थ खसाल्न थालिएको छ ।
आगलागीले अहिलेसम्म अर्बौं डलरको सम्पत्ति क्षति पुर्याएको छ। त्यसक्षेत्रको कृषि र पशुपालक किसान सहित धेरैको विचल्ली भएको छ । मौसम अनुगमन कम्पनीले आगलागीका कारण लगभग ३०० अर्ब अमेरिकी डलरको आर्थिक नोक्सान भएको अनुमान गरेको छ। यो अमेरिकी इतिहासकै सबैभन्दा भयानक आगलागिका घटना मानिएको छ ।
यो गुलाबी तरल के हो ?
अहिले आगोलागि नियन्त्रणकोे लागि अन्तिम प्रयासको रुपमा गुलाबी तरल पदार्थ खसालिँदैछ। आगो रोधक त्यो पदार्थले आगो वा जलाउने प्रक्रियालाई सुस्त पार्छ। आगो जलाउन अक्सिजन चाहिन्छ। यो रासायनिक मिश्रणले अक्सिजनलाई आगोमा पुग्नबाट रोक्छ।
यो गुलाबी पदार्थ पानी, नुन (रसायन) र मलको मिश्रण हो। यो अमोनियम पोलिफोस्फेट जस्ता लवण (रसायन) बाट बनेको हुन्छ, जुन पानी जत्तिकै सजिलै वाष्पित हुँदैन, तर लामो समयसम्म सतहमा रहन्छ।
आगो निभाउन प्रयोग गरिने रसायनलाई गुलाबी रङ दिइएको छ ताकि फायरम्यानलाई थाहा होस् कि यो कहाँ प्रयोग गरिएको थियो।
यसबाहेक, यस रङले आगो लागेको क्षेत्रलाई पनि स्पष्ट रूपमा देखाउँछ। यसले मानिसहरूलाई आगोबाट कुन क्षेत्रहरू प्रभावित छन् भन्ने थाहा दिन्छ।
