लागत अनुसारको मूल्य नपाएपछि चितवनकोे भरतपुर महानगरपालिका वडा नं २४, नयाँबस्तीमा केरूङ्गा ताजा तरकारी तथा फलफूल सहकारी संस्थामा आबद्ध किसानहरूले तरकारी खेतबारीमै नष्ट गर्न थालेका छन् । संस्थाअन्तर्गत चार सयभन्दा बढी किसानले व्यक्तिगत रुपमा करिब ५ सय बिघामा र करिब सय बिघामा सामूहिक तरकारीखेती गर्दै आएका छन् ।
सहकारीका अध्यक्ष जनकारजा पुरीले किसानका उत्पादनमा ट्याक्टर चलाउन सहकारीले ट्याक्टर निःशुल्क उपलब्ध गराएको जानकारी दिनु भयो । तरकारी उत्पादन भए पनि बजारको अभाव हुँदा र तरकारी खरिद गर्ने व्यवसायी नआउँदा समस्या भएको बताउंदै उहाँले भन्नुभयो —तरकारी उत्पादन हुने मुख्य समयमा उत्पादित तरकारी विक्री नहुँदा चिन्ता बढेको थियो । अहिले उत्पादन राम्रो भयो, विक्री हुँदैन ।
