आज अन्तराष्ट्रिय दाल दिवस

आज अन्तर्राष्ट्रिय दाल दिवस हो भने अरबी चितुवा दिवस पनि आजै हो । पोषणको मुख्य स्रोत मानिने दाल संसारभरका मानिसको मन पर्दाे व्यञ्जनका रूपमा खपत हुने गरेको छ । दिगो कृषि विकास तथा कमजोर समुदायको पोषणको स्रोत गेडागुडीको उत्पादन बढाउन संयुक्त राष्ट्रसंघको आह्वानमा सन् २०१८ देखि दाल दिवस मनाउन शुरु गरिएको हो । खाद्य प्रणालीमा विविधता कायम गर्न दाल दिवस उपयोगी हुने उक्त विश्व संस्थाको बुझाइ छ । यसवर्षको दाल दिवसको नारा स्वस्थ्य आहार र पृथ्वीको लागि दाल भन्ने रहेको छ ।
यसैगरी, संघको महासभाले फेब्रुअरी १० लाई अन्तराष्ट्रिय अरबी चितुवा दिवसको रूपमा मनाउने घोषणा गरेको हो । लोपोन्मुख यो वन्यजन्तु र यसको वासस्थानको संरक्षणका साथै जैविक विविधता जोगाउने उद्देश्यले यो दिवस मनाउन थालिएको हो ।