९ सेप्टेम्बरदेखि काम शुरु गर्न लागेका विश्व विख्यात कफी हाउस स्टार वक्सका नयाँ प्रमुख कार्यकारी अधिकृत ९सिईओ० ब्रायन निकोलको नियुक्तिले विश्वव्यापी रुपमा खलबली मच्चाएको छ ।
के यो संभव छ ?
युरोप, अमेरिका लगायतका विश्वभरका बहुराष्ट्रिय कम्पनीका कर्मचारीदेखि मालिकहरु मात्र होइन, सरकारी कर्मचारीहरु पनि बारबार प्रश्न गर्दैछन् । के यो संभव छ ?
यो प्रश्न उठ्नुको पछाडिको कारण हो—स्टार वक्सले निकोललाई दिएको तलब सुविधा र केही अनौठा शर्तहरु । स्टार वक्सले निकोलको दैनिक यात्राको लागि जेट दिने भएको छ । त्यसको लागि उनी आफ्नो घर क्यालिफोर्नियाको न्यू पोर्ट बिचबाट दैनिक १००० माइल ९१६०० किमी० को यात्रा गरेर सियाटलमा रहेको मुख्य कार्यालयमा आउने जाने गर्नेछन् । मुख्य कार्यालयमा कार्यरत अधिकाँश कर्मचारीहरु सियाटल आसपासमै बस्ने भए पनि निकोल भने त्यति टाढाको आफ्नै घरमा बस्नेछन् र जेटबाट दैनिकरुपमा आउने जाने गर्नेछन् ।
आजको दिनसम्म कुनै पनि निजी, बहुराष्ट्रिय कम्पनीहरुले आफ्ना कुनै पनि कर्मचारी वा संचालकलाई यस्तो सुविधा दिएका छैनन् । त्यसमाथि कृषिसँग सम्वन्धित कम्पनीहरुको लागि त यो सामान्यरुपमा अनुमान गर्न सक्ने विषय पनि होइन, तर स्टार वक्सले सबैलाई आश्चर्यमा पार्दै आफ्ना नयाँ सिईओलाई यातायातको साधनको रुपमा जेट दिने सम्झौता गरेको छ ।
यातायातको साधनमै जेट दिएपछि तलव सुविधा कम हुने त कुरै भएन । विभिन्न अन्तराष्ट्रिय संचारमाध्यहरुमा प्रकाशित समाचार अनुसार स्टारवक्सले निकोललाई वार्षिक १० मिलियन डलर ९करिव १ अर्व ३४ करोड नेरु० उपलब्ध गराउँदैछ । कुनै एउटा कर्मचारीलाई यति धेरै तलव दिने कम्पनी विश्वमा विरलै छन् ।
के हो स्टार वक्स ?
सन् १९७१ मा जेरी वाल्डविन, जेभ साइगल र गोर्डन वोकरले स्थापना गरेको कम्पनी सन् १९८० मा होवार्ड स्कुल्जलाई विक्री गरेका थिए । उनले नै स्टार वक्सलाई विश्व कफी व्यवसायको पर्यायबाची बनाउन सफल भएका हुन् । विश्वका ८० देशमा फ्रेन्चाइजीमार्फत शाखाहरु विस्तार भएको स्टार बक्सको ३३ हजार ८३३ स्टोरहरु छन्, जसमध्ये अमेरिकामा मात्रै १५,४४४ स्टोर छन् ।
नेपालमा स्टार वक्स
नेपालमा स्टार वक्सको नाममा थुप्रै ठाउँमा साइन वोर्डहरु देखिने गरेका छन् । तर, अहिलेसम्म केवल बबरमहल रिभिजिटेड भित्र रहेको क्याफे बबरमहल मात्रै स्टार वक्सको आधिकारिक स्टोर हो । यो स्टोर सुभेच्छा रिजाल र नृपेश कोइरालाले संचालन गरिररहेका छन् ।
