नगरपालिकाको अनुमति नलिइ कुकुर पाल्न नपाइने

गुल्मीको रेसुङ्गा नगरपालिकाकाले कुुकुर पाल्नको लागि स्विकृति लिनु पर्ने अनिवार्य नियम लागू गरेको छ । जिल्ला सदरमुकाम तम्घास समेत रहेको नगरपालिका क्षेत्रमा कुकुरले हैरान बनाएपछि वाध्य भएर त्यस्तो निर्णय गर्नु परेको नगरपालिकाले बताएको छ ।
नगरपालिकाका प्रमुख प्रशासकीय अधिकृत बाबुराम पल्लीका अनुसार घरपालुवा कुकुरका लागि नगरमा अनिवार्य दर्ता हुनुपर्ने गरी कार्यविधि निर्माण गर्न लागेको बताउनुभयो । घरपालुवा कुकुरका लागि नगरपालिकामा अनिवार्य दर्ता गर्नुपर्ने र सामुदायिक अर्थात् भुस्याहा कुकुरको व्यवस्थापनका लागि बन्ध्याकरणका साथै रेबिज खोप लगाउने गरी तयारी गरेको पल्लीको भनाइ छ ।
नेपालमा कुकुर पाल्नको लागि सरकारको अनुमति लिनु पर्ने नियम लागू गरिएको नेपालकै लागि सम्भवतः यो पहिलो घटना हो ।