कृषि क्षेत्रमा एआई निष्प्रभावी, कृषि मजदूर र चालकको विश्वव्यापी माग बढ्ने

आउँदा वर्षहरुमा विश्वभर कृषि मजदूरहरुको गम्भिर अभाव हुन सक्ने र आर्टिफिसियल इन्टेलिजेन्स (एआई)ले कृषि क्षेत्रमा खासै असर पार्न नसक्ने प्रक्षेपण गरिएको छ ।
मजदूरको माग बढेपछि उनीहरुको तलव र सेवा सुविधा पनि स्वभाविकरुपमा बढ्ने प्रक्षेपणले देखाएको छ ।
विश्व आर्थिक मन्च (WEF) ले स्विटजरल्याण्डमा जारी गरेको एक रिपोर्टमा त्यस्तो प्रक्षेपण गरिएको हो । मन्चको वार्षिक वैठक स्विटजरल्याण्डको २० देखि २५ जनवरीसम्म हुँदैछ । त्यसैको पूर्वसन्ध्यामा ‘भविश्यको नोकरी’ शिर्षकमा एक रिपोर्ट जारी गर्दै त्यस्तो भविश्यवाणि गरिएको हो । ‘आगामी ५ वर्षभित्र (अर्थात् सन् २०३०)सम्म विश्वभर कृषि मजदूरको माग चर्काेसंग बढ्नेछ, हलुवा सवारी साधनका चालकहरु (ड्राइभर), नर्स र माध्यमिक विद्यालयका शिक्षकहरुको माग विश्वव्यापीरुपमा निकै बढ्नेछ’ रिपोर्ट सार्वजनिक कार्यक्रममा मन्चका तलव रोजगार विभाग प्रमुख टिओ लियोपल्डले भने—विश्वमा तीब्रतररुपमा भैरहेको आर्थिक उतार चढाव र प्रविधिको विकासले धेरै क्षेत्रहरुमा प्रभाव पार्नेछ तर कृषि, माध्यमिक शिक्षा र नर्सिङ जस्ता सेवाहरुको माग र आपूर्तीमा प्रभाव पार्ने छैन ।
वैंकका क्यासियर, औद्योगिक घरानाहरुसंग सम्वन्धित सेवा प्रदायक क्षेत्रमा भने रोजगारीहरु गुम्न सक्ने उनले बताए । उनका अनुसार सन् २०३० सम्म विश्वमा १७ करोड नयाँ रोजगारी सृजना हुने देखिएको छ । त्यसमध्ये अहिले भैरहेका ९ करोड २० लाखले जागिर गुमाउने छन् । त्यसको ७ करोड ८० लाख खूद नयाँ रोजगारी सृजना हुनेछ । त्यस्तो रोजगारीमध्ये प्रायः कृषिम मजदूर, सवारी चालक, शिक्षक र नर्सहरु हुनेछन् ।
साथै उर्जा, एआई र रोवोटिक्सको क्षेत्रमा तीब्रतररुपमा नयाँ अध्ययन अनुसन्धानले हुने र त्यसबाट पनि केही मात्रामा रोजगारी सृजना हुने प्रक्षेपण गरिएको छ ।