विसं २०२० सालतिर भैरहवा बजारको यो तस्विर जर्मन स्वंयसेवक रिचर्ड पिफउले खिच्नु भएको हो ।
भेलीलाई कतिपय ठाउंमा सख्खर भनिन्छ । भेली मिसाएको चिउरा तथा भुजा तराईका श्रमजिवी किसान, मजदूरको मुख्य नास्ता (खाजा) मध्ये एक हो । यो केवल खाद्य पदार्थ मात्र होइन, अनेकौं रोगको अचूक औषधि पनि हो
चिसो मौसममा नियमित थोरै भेली र पानी खाने गर्नाले स्वास्थ्यमा राम्रो फाइदा गर्दछ। विशेषगरी जाडो मौसमा भेलीको सेवन तपाईको लागि निकै फाइदाजनक हुन्छ।
भेलीमा सवै प्रकारको तत्व पाइने भएकाले यो खानाले थुप्रै फाइदाहरू छन्। जस्तोकि
भेली खानुका फाइदाहरु
भेली म्याग्नेशियमको राम्रो स्रोत हो। भेली खाँदा मांशपेशीहरू नसा र रक्त वाहिकाको थकानबाट आराम मिल्छ र रगतको कमीलाई पुरा गर्न सहयोग गर्छ
जाडो मौसममा भेलीको सेवन गर्नाले शरीरमा तातोपन प्रदान गर्न निकै उपयोगी हुन्छ। यस मोसनमा भेलीको प्रतिदिन सेवनले रुघाखोकी र कफको समस्याबाट बचाउँछ।
चिसो मौसममा सामान्यतया रक्तसंचार निकै कम हुन्छ तर भेलीलाई नियमित रूपमा सेवन गर्दा रक्त संचारलाई सन्तुलित बनाई राख्न मद्दत गर्नुको साथै रक्तचापको समस्यामा पनि राम्रो फाइदा हुन्छ ।
चिसोका कारण फोक्सोमा हुने संक्रमण नियन्त्रण गर्न सहयोग गर्छ ।
पाचन सम्बन्धि समस्याहरूको उपचारमा पनि भेलीको सेवन निकै लाभकारी हुन्छ। खाना खाई सकेपछि थोरै भेलीको सेवन गर्दा पाचन प्रक्रियामा सुधार आउँछ ।
रगतको कमि हुनेलाई नियमित भेलीको सेवन गर्नु धेरै फाइदा पुग्दछ ।
जण्डिसका रोगीले थोरै भेलीसंग पानी सेवन गर्नाले यो रोग चाँडो निको हुन्छ ।
बाहिर जाँदा धुलोका कणहरू नाक र मुखबाट भित्र पसे हुनाले नियमित भेली पानीसंग सेवन गर्नाले सफा गर्ने काम यसले गर्दछ ।
दैनिक नियमित मनतातो दूध र भेलीको सेवनले शरीरबाट बेकार चीज बाहिर निस्किन्छ जसबाट तपाई निरोगी बन्नुहुन्छ ।
तातो दूधको साथ भेलीको सेवनले महिनावारीको अवधिमा हुने दुखाईबाट आराम दिलाउन सक्छ ।
तातो दूध र भेलीको सेवनले छाला नरम हुनुको साथसाथै छाला सम्बन्धि समस्या हल हुन्छ ।
सावधानी
सुगरका रोगीले भने भेली खानु हुदैन ।
