बेलायती राजा चाल्र्सका भाई र बुहारी अर्थात राजकुमार एडवर्ड र सोफिया नेपालको भ्रमणमा छन् । संयोगले यो भ्रमणमा पनि त्यतिबेला भएको छ, जुन याममा उनका जिजुवुवा राजा जर्ज पाँचौ नेपाल भ्रमणमा आएका थिए । विसं १९६८ मा १० दिनको नेपाल भ्रमण गरेका उनले चितवन क्षेत्रमा शिकार गरे । त्यसक्रममा ३९ बाघ, १८ गैंडा र ४ भालु लगायतका जंगली जनावरहरु मारिएका थिए । राजा जर्ज स्वंयले ८ गैंडा, २१ बाघ तथा एउटा भालु मारेका थिए ।
उनको चाकरीको लागि २ हजार हात्ती र १४ हजार सरकारी कर्मचारी खटाइएको थियो । प्रधानमन्त्री तथा श्री ३ महारज चन्द्र समशेरले उनको सम्मानमा ७० प्रकारका परिकारहरु सहितको भोज दिएका थिए ।
उनीभन्दा अघि विसं १९११ मा नेपाल आएका राजा एडवर्ड सातौं र रानी भिक्टोरियाले पनि निकै ठूलो संख्यामा जंगली जनावरको शिकार गरेका थिए ।
नेपाली राणा र शाह शासकहरुले ‘शिकार खेलाउने’ वाहानामा बेलायती शासकहरुलाई नेपालमा बोलाएर जंगली जनावरको वर्वर शिकार गराउने गरेको पाइन्छ । खास गरि तराई क्षेत्र शाही शिकारको बर्बर यातनाबाट पीडित हुने गरेको इतिहास छ ।
