सरकारले २ अर्व ६३ करोडको धान खरिद गर्ने

काग ज्यादै धूर्त र चोर पक्षीको रूपमा पनि बदनाम छ । देवताका आँखा छलेर अमृत चोरेर खाएको थाहा पाएर आश्चर्यमा परेका देवताहरु रिसाउनुको साटो अजम्बर (कहिल्यै बूढो नहुने) बरदान दिएकोले काग कहिल्यै पनि बुढो हुँदैन भन्ने भनाइ छ । उक्त भनाई अनुसार अमृत पिएको कागले दुबोमा चुच्चो पुछेकोले दुबो घाँस पनि अजम्बर हुन्छ ।
अजम्बर काग अकालले मात्र मर्दछ भनिन्छ । कुनै दुर्घटनावस एउटा काग मरेमा वरपरका कागहरु मलामी जाने गरेको अनुसन्धानकर्ताहरु बताउंछन् । मरेका आपन्तको मलामी जाने र सामूहिक विलौना गर्ने अरू पक्षी पाइदैनन् ।

कागका प्रकारहरु
‘घर काग’
गाउँ–शहर र अरू बस्तीहरूमा मानिस नजिक बस्ने बस्ने कागलाई ‘घर काग’ (House crow) भनिन्छ । यसको वैज्ञानिक नाम २०० वर्ष भन्दा पहिले सन् १८१६ मा ‘कोर्भस स्ल्पेन्डेन्स’ (Corvus Splendens) भनी राखिएको हो । त्यसको अर्थ चिल्लो र चम्किलो भन्ने हुन्छ ।
यी माग अरूभन्दा राम्रो देखिन्छ । यसको गर्दन, पिठ्यूँ र छातीको भाग हल्का खरानी रंगको हुन्छ भने अन्यत्र सबै गाढा कालो प्वाँख हुन्छ । नेपालमा यस्तो काग १००० मिटर भन्दा माथि र १५०० मिटरभन्दा होचो भागमा अधिक पाइन्छन् ।
‘जंगली काग’
‘जंगली काग’ (Jungle Crow) सम्पूर्णरुपमा कालो हुन्छ र यो १५०० मिटरभन्दा उच्च पर्वतीय क्षेत्रमा प्रचुर हुन्छ । यसको ठोंड (चुच्चो) मोटो खालको हुन्छ । त्यसैले यसको वैज्ञानिक नाम ‘कोर्भस म्याक्रोरिन्कस’ (Corvus macrorhyncos) रहेको छ ।
‘भोटे काग’
यो काग भुटानको राष्ट्रिय पक्षी हो । नेपालको उच्च लेकाली भेगका २७०० मिटरभन्दा उच्च हिमाली भेगमा पाइने ठूलो कागलाई अंग्रेजीमा ‘राभेन’ (Raven) भनिन्छ । यस्को वैज्ञानिक भाषामा यिनलाई ‘कोर्भस कोरेक्स’ (Corvus corex) भनिन्छ । यस्को स्वर ज्यादै धोद्रो हुन्छ । तिब्बत, भूटान, सिक्किम र नेपालका भोटे, शेर्पा आदि समुदायको बौद्धधर्म सम्बन्धी संस्कृति र संस्कारमा यो कागको विशेष स्थान छ ।

कागको रोचक यौन क्रिडा
कागको यौन क्रीडा हेर्नु वा देख्नु अशुभ हुन्छ भन्ने मान्यता छ । तर, एक जोडी काग जोल्टिंदा त्यहाँ वरपरका कागले तिनलाई घेरेर हर्ष उल्लासले कराउँदै तिनको सम्भोग सफल गराउन सहयोग पु¥याउँछन् । अरू पक्षी झंै पोथीमाथि भाले चढेर सम्भोग गर्दैनन् कागहरू । भाले र पोथीले अनुहारमा अनुहार जुधाएको अवस्थामा सम्भोग कार्य सम्पन्न हुन्छ । पक्षी जगतमा यस्तो यौन जीवन भएको अर्काे प्राणी पाइदैन । शुभ÷अशुभ आफ्नै ठाउँमा छन् ।
कागको यौन जीवन मानिसको भन्दा पनि व्यवस्थित हुन्छ । यिनीहरू जोडी मिलेर गुँड अर्थात् घर निर्माण गर्छन् । राम्रो गुँड निर्माण नभएसम्म यौन सम्पर्कको चेष्टा पनि हुँदैन । घर अर्थात् गुण निर्माण भएपछि ढुक्कले यौन सम्पर्क गर्छन् । नयाँ घर बनाउन र गुँडमा दुई÷चार वटा फुल पार्छन् । फुलको सुरक्षामा भाले, पोथीलाई अरू कागले पनि साथ दिन्छन् ।