कागले गर्ने ८ भविश्यबाणीः ख्याल ख्याल नठानौं

‘काग कराए अशुभ हुन्छ’ भन्ने मान्यता छ । यसमा कति सत्यता छ, त्यो मानिसहरुको आ आफ्ना तर्क र विश्लेषणका कुरा हो । किम्वदन्तीहरुका अनुसार कागले मानिसलाई समेत खबरदारी गर्ने गरि ८ प्रकारका भविष्यबाणी गर्छ । ती भविश्यवाणीहरु यस्ता छन्ः
पहिलो भविश्यवाणीः
कागको हुल घरको छाना वा छतमा आएर झगडा गर्न लागे भने घरमालिकलाई कुनै संकट आउनेवाला छ ।
दोस्रो भविश्यवाणीः
मुखमा खानेकुरा बोकेको काग देखिए शुभ हुन्छ । निकट भविश्यमा तपाईका कुनै ठुलो इच्छा पुरा हुनेवाला छ ।
तेस्रो भविश्यवाणी
कागले पानी पिइरहेको देखिए निकट भविश्यमै तपाईलाई धन लाभवाला छ । कतै जानको लागि हिडिंरहेको बेला त्यस्तो देखिए जुन कामको लागि हिडिएको थियो त्यो सफल हुन्छ ।
चौथो भविश्यवाणी
घरको छानामा दक्षिण तर्फ मुख गरेर काग कराएको छ भने निकट भविश्यमै तपाईले अत्यन्त अप्रिय समाचार सुन्नु पर्नेछ ।
पाँचौ भविश्यवाणी
दिउँसोको १२ बजेभन्दा अघि रुखमा बसेको कागको स्वर पुर्व वा उत्तर दिशाबाट आएको छ भने शुभ मानिन्छ । परिवारको स्त्री मार्फत सुखप्राप्त हुन्छ ।
छैठौं भविश्यवाणी
कागले शरीरमा ठुँगेमा शारिरीक र मानसिक पिडा हुने मान्यता छ ।
सातौँ भविश्यवाणी
काग कसैको टाउको भन्दा माथी बसेमा अशुभ हुन्छ । निकट भविश्यमा धनको नोक्सानी वा रोग लागेर तपाईले पिडा भोग्ने दिन आउंदैछ ।
आठौँ भविश्यवाणी
बिहानीको समय काग उड्दै आएर खुट्टा छुन पुगे तपाईका दुखका सकिदैंछन् भन्ने थाहा हुन्छ । जीवनमा यस अघि तपाईले कहिल्यै नगरेको उन्नती र धन आर्जन गर्न सक्नुहुन्छ ।