आउंदो चैतमा नेपाल कफी फेस्टिभल एण्ड च्याम्पियनसिप २०८१ आयोजना हुने भएको छ ।नेपाल कफी व्यवसायी महासंघले कफीको व्यवसायीक व्यापार मेला तथा राष्ट्रिय कफी प्रतिस्पर्धात्मक प्रतियोगिता आयोजना गर्ने उदेश्य उक्त कार्यक्रम आयोजना गरेको हो । महासंघका महासचिव सन्तोष पोख्रेलका अनुसार चैत २१, २२ र २३, २०८१ (अप्रिल ३, ४ र ५, २०२५) सानेपा, ललितपुर स्थित हेरिटेज गार्डेन इभेन्ट भेन्यूमा कार्यक्रम हुने भएको हो ।
पोख्रेलका अनुसार कार्यक्रममा १०० भन्दा बढी प्रदर्शनी स्टलहरू रहनेछन्, जसमा राष्ट्रिय तथा अन्तर्राष्ट्रिय प्रदर्शकहरूको सहभागिता रहनेछ । कफी व्यवसायी, उत्पादक, उद्यमी, तथा नवप्रवर्तकहरूका लागि यो एक विशेष अवसर हुनेछ, जहाँ कफीको मूल्य श्रृंखला अनुरुपका आफ्ना उत्पादन तथा सेवाहरू प्रदर्शन गर्न सकिनेछ । नेपाल कफी फेस्टिभल एण्ड च्याम्पियनसिप २०८१ अन्तर्गत बुइङ, लाते सम्बन्धी राष्ट्रिय स्तरको दोस्रो संस्करणको प्रतिस्पर्धा समेत आयोजना हुनेछ, जसले कफी क्षेत्रमा सक्रिय प्रतिभाहरूलाई
कार्यक्रममा व्यवसायिक नेटवर्किङका माध्यमबाट कफी उत्पादक, प्रशोधनकर्ता, विक्रेता, तथा उपभोक्ताहरू बीचको सम्बन्ध विस्तार गर्ने अवसर प्रदान हुनेछ । यसका साथै, राष्ट्रिय तथा अन्तर्राष्ट्रिय लगानीकर्ताहरूलाई नेपालको कफी व्यवसायको विविध मूल्य श्रृंखलामा लगानी गर्न प्रेरित गर्ने अवसरको रुपमा समेत यो नेपाल कफी फेस्टिभल एण्ड च्याम्पियनसिप २०८१ रहने बताइएको छ ।महासंघले उक्त कार्यक्रममा सहकार्य, प्रायोजन अवसर, च्याम्पियनसिप, प्रदर्शनी स्टल, वा अन्य कुनै पनि कार्यक्रम सम्बन्धी जानकारीका लागि महासंघमा सम्पर्क राख्न समेत सरोकारवालाहरुलाई आग्रह गरेको छ ।
