गहुँको समर्थन मूल्य प्रतिक्विन्टल तीन हजार ८६७ रुपियाँ

सरकारले चालु आर्थिक वर्ष २०८१, ८२ का लागि गहुँको न्यूनतम समर्थन मूल्य प्रतिक्विन्टल तीन हजार ८६७ रुपियाँ ३८ पैसा निर्धारण गरेको छ । यो गत वर्षको तुलनामा प्रतिक्विन्टल २१७ रुपियाँ बढी हो । गत आव २०८०÷८१ मा प्रतिक्विन्टल तीन हजार ६५० र आव २०७९÷८०मा प्रतिक्विन्टल तीन हजार ३५१ रुपियाँ मूल्य कायम गरिएको थियोे । यसरी हेर्दा हरेक वर्ष प्रत्येक वर्ष गहुँको समर्थन मूल्य बढ्दै गएको छ । यसबाट किसानले थोरै भए पनि राहत पाएका छन् ।
कृषि तथा पशुपन्छी विकास मन्त्रालयका अनुसार आव २०७९÷०८० मा छ लाख ९७ हजार ७६२ हेक्टर क्षेत्रफलमा गरिएको खेतीबाट २० लाख ८ हजार ४६२ मेट्रिक टन गहुँ उत्पादन भएको छ ।