भारतमा कृषि क्षेत्रमा शनिबारदेखि ३१,८३० करोड भारु मूल्यका १६४६ योजना लागू
आर्थिक वर्ष २०२५÷०२६ को बजेट भाषणको तयारी गरिरहेकै बेला भारतको अर्थमन्त्रालयले शनिबारदेखि वृहत खालका कृषिका योजनाहरु लागू गरेको छ ।
प्रधानमन्त्री किसान सम्पदा योजना अन्तरगत ३१ हजार ८३० करोड भारु मूल्यका १६४६ वटा खाद्य प्रशोधन परियोजनालाई स्वीकृति प्रदान गरिएको र यसले १३.४२ लाख रोजगारी सिर्जना गर्ने र ५१.२४ लाख कृषकलाई लाभान्वित गर्ने दावी अर्थमन्त्रालयले गरेको छ ।
अर्थ मन्त्रालयले शनिबार बिहानै जारी गरेको सूचनामा ती योजनाहरु लागू गरेको घोषणा गरेको छ । स्मरणरहोस भारतमा खाद्य प्रसंस्करण उद्योग मन्त्रालय (एमओएफपीआई) अन्तरगत रहनेगरि सन् २०१६ देखि प्रधानमन्त्री किसान सम्पदा योजना (पीएमकेएसवाई) लागू गरेको छ।
अहिले लागू गरिएका योजनाहरुबाट कृषि र खाद्य प्रशोधन क्षेत्रको द्रुत विकास सुनिश्चित गर्ने, आधुनिक भण्डारण, कुशल आपूर्ति श्रृंखला, प्राथमिक र माध्यमिक प्रशोधन र मार्केटिङ र ब्रान्डिङ लगायत फसल पछिका गतिविधिहरूमा निजी र सार्वजनिक लगानीलाई थप प्रवद्र्धन गर्ने अर्थमन्त्रालय बताएको छ ।
