पानीले पाकेको धान नष्ट, किसानको विचल्ली

सोमबार परेको बेमौसमी वर्षाले काटेर खेतमै सुकाएको धानको पाँजा रुझेपछि देशका विभिन्न भागका कृषक चिन्तित बनेका छन् ।भित्रयाउन ठिक्क परेको धानको पाँजा वर्षाल भिजाएको छ भने काट्न ठिक्क परेको धान खेतमै झारी दिएको छ ।
केही दिनदेखि मौसम पूर्ण रूपमा नखुलेका बेला डराई डराई धान काटेका कृषकलाई वर्षाले निराश बनाएकोे हो । वर्ष दिनसम्म खाने धान बाली भिजाएपछि कृषकलाई चिन्ता परेको छ ।
कृषि ज्ञान केन्द्र स्याङ्जाका प्रमुख विनोद हमालका अनुसार बेमौसमी झरीले जिल्लाका अधिकांश क्षेत्रमा पाकेर काटेको धानमा क्षति पुगेको छ ।
स्मरणरहोस स्याङ्जामा यो वर्ष धान उत्पादन बढ्ने अनुमान गरिएको थियो । जिल्लाका ११ वटै पालिकामा धान बाली लगाइने गरेको छ ।स्याङ्जामा सावित्री, मन्सुरी, रामधान,हाईब्रिड प्रकृतिका साथै केही उन्नत जातका धान खेती गरिन्छन् भने केही ठाउँमा स्थानीय जातका धान पनि रोप्ने गरिन्छ ।
चितवन, नवलपुर, नवलपरासी, रुपन्देही कपिलवस्तु रुकुम पूर्व र पश्चिम लगायतका जिल्लाहरुमा पनि वर्षात्ले धान बालीमा ठूलो क्षति पुर्याएको छ ।